Todolos artigos de: cafebarbantia

Mochila incontinente

DtDqv4aWkAAgCvGMarina Losada Vicente. Cos anos, de tanto amorear, a memoria esvaece as certezas. Mestúraas. Confunde os lindes. Move os marcos. Atesoura aquelas que lle compracen. Cóidase das maliciosas. Goza dos logros. Máis todas están aí, á espera de seren rescatadas. Difícil baldeirar o contido, un alivio que raramente se dá de forma natural. Xa quixéramos. Quedarnos só con aqueles recordos que nos abren camiño a mellores días. Cara adiante. Pode darse no futuro, cunhas pastillas selectivas, mesmo mercar recordos doutras persoas, como se fai coa taxa do leite ou co cupo da sardiña, máis a día de hoxe viaxamos con esa mochila incontinente. Continue reading Mochila incontinente

A arte secuestrada

arte2Francisco Ant. Vidal Blanco. Hai anos, un compañeiro de clase levoume á súa casa, onde me chamou a atención un gravado de Dalí presidindo o salón. Cando aquel viu que me dirixía a miralo, faloume do que pagaran por el e do certificado de autenticidade que gardaban cos documentos máis importantes da familia, pero non soubo dicirme que pretendía dicir o autor con aqueles debuxos que parecían sacados dun pesadelo. O famoso anacronismo da película Titanic, en que un millonario leva consigo un cadro de Picasso, debería servir para que nos preguntásemos para quen é e para que serve a arte, se é adorno Continue reading A arte secuestrada

Venerando Porteiro, política e xornalismo

O Escritor. La LuchaPastor Rodríguez. Unha das figuras máis esquecidas e descoñecidas da vida política da Pobra do Caramiñal na Segunda República foi Manuel Venerando Porteiro Viñas, pertencente a unha familia de industriais e funcionarios, parente do líder das Irmandades da Fala, Luís Porteiro Garea. Membro do Concello Provisional Republicano en 1931, ocupou en 1936 o posto de Secretario Accidental da corporación pobrense coa Fronte Popular. O seu xornalismo foi de combate, en defensa do socialismo e a República, e exerceuno no xornal La Lucha (1932). O 27 de xullo de 1936 foxe dende Insuela (Palmeira) con outros destacados republicanos da Pobra. Refuxiado en Toulouse, exíliase máis tarde en México. Continue reading Venerando Porteiro, política e xornalismo