Galicia e os galegos na poesía castela III: Gerardo Diego

gerardo diegoRomán Arén. A orde dos meus papeis pode dar a impresión de que coleccionei os poemas a Galicia dos autores franquistas, e Gerardo Diego, un dos grandes poetas da Xeración do 27, foi tamén un dos que apoiou a Franco, aínda que dende 1945 xa sen moito compromiso. Poeta de amplo rexistro, de vida longa, de calidade contrastada, está hoxe envolto nunha certa néboa, non incómoda a home discreto como foi. Vangardista e clasicista, coloquial e retórico, ten a importancia para nós de que é autor de Ángeles de Compostela (1940), libro que se xestou dende 1936. Amigo de Filgueira Valverde, a quen dedicou un poema, pero tamén de Otero Pedrayo, que prologou o seu canto a Santiago, o propio autor tivo en moito aprezo este poemario, pois inclúe nove dos poemas nos seus Versos escogidos (1970) e escribe que é “uno de mis libros predilectos y él solo representa buena parte de mi poesía total”. Lembra tamén que visitou Compostela por vez primeira o 2 de novembro de 1929 e que grazas a un apagón eléctrico, logrou ver unha cidade aínda medieval. Aí comezou a nacer a idea do poemario, que empezou a escribir en 1936 e que corrixiu até 1948. Na visita a Compostela dinos que “entre los amigos gallegos que me acompañaron aquellos días figuraba Ramón Martínez López”. Dos poemas de Ángeles de Compostela foi varias veces reproducido “Rosalía”, que Alonso Montero inclué na Coroa poética para Rosalía de Castro (1985), mais tamén o é o dedicado a “Valle-Inclán”. É autor doutro poema para Otero Pedrayo (“¿Que en dónde está Galicia? En la cautela/de la luz mansa que al besar de la boya/y en el tosco remiendo de la vela”). Tamén Gamallo Fierros é destinatario do poema “Ángel de rocío e Luz Pozo Garzo de “Ángel de lluvia”. Reproduzo, non obstante, “Entrega”:

Martín Codax, de Vigo,/Vello amigo./Olvida ahora la cedra/ven a mirar la piedra/de Compostela, amigo/Martín Codax, de Vigo./Muere en el mar la estela,/la piedra aquí riela,/vuela, yo te lo digo,/meu amigo./Las ondas van y vienen,/lloran, no sé que tienen,/sin consuelo ni abrigo,/Martín Codax, de Vigo./No sé por quién preguntan,/se desvían, se juntan,/ondas do mar de Vigo,/vello amigo./Vámonos a Santiago,/alas do vento vago,/ven conmigo,/Martín Codax, de Vigo./La gloria de Mateo,/ondas do mar do ceo,/nos abre su postigo,/meu amigo./Sonríe, alta, la espiga./Llora, abajo, la amiga/saudades do seu amigo/Martín Codax de Vigo./Ángeles la consuelan./Ojos bellidos velan/ondas do mar testigo,/vello amigo./Aguas de mi bahía/subían por tu ría,/en romería,/Martín Codax, de Vigo./Ondas de Santillana/iban una mañana/morir playa de Vigo,/meu amigo./Iban –ondas saladas,/ viento gallego-/de chubasco mojado/las hojas qu te entrego,/Martín Codax, de Vigo,/vello amigo.

Deixa unha resposta

O teu enderezo electrónico non se publicará Os campos obrigatorios están marcados con *