{"id":12791,"date":"2020-11-25T06:00:52","date_gmt":"2020-11-25T06:00:52","guid":{"rendered":"http:\/\/cafebarbantia.barbantia.es\/?p=12791"},"modified":"2020-11-24T12:29:45","modified_gmt":"2020-11-24T12:29:45","slug":"telexornal-mediodia","status":"publish","type":"post","link":"http:\/\/cafebarbantia.barbantia.es\/?p=12791","title":{"rendered":"Telexornal mediod\u00eda"},"content":{"rendered":"

\"unnamed\"<\/a>Ramiro Ouvi\u00f1a O.\u00a0<\/strong><\/em>\u2014Por amor de deus, Xildi\u00f1a, acouga. Hoxe non tes paranza.<\/span><\/span><\/p>\n

A nena ergu\u00e9rase de s\u00fapeto e corre cara ao balc\u00f3n perseguida da irm\u00e1 m\u00e1is pequena, de Olinda.<\/span><\/span><\/p>\n

Sentada no sof\u00e1, a muller sorbe sen presa e con satisfacci\u00f3n o caf\u00e9 da cunqui\u00f1a que sost\u00e9n coa man dereita e acubilla coa esquerda. Mira sen ver, coa mirada esva\u00edda, a pantalla do televisor. Na s\u00faa cabeza as imaxes das novas mest\u00faranse coas propias e os pensamentos ad\u00f3banse co refungar da locutora do Telexornal mediod\u00eda da tvG2 que con voz monocorde, fr\u00eda, allea, debulla maini\u00f1amente os titulares do informativo.<\/span><\/span><\/p>\n

(Galiciasuperaos10.000casosdeCovid19activostras722novoscontaxios.\u00c1sdocedestanoiteentranenvigorasnovasrestricci\u00f3nsen60concellosgalegos)<\/i><\/span><\/span><\/p>\n

\u2014E non te colgues do balc\u00f3n. \u00c9 perigoso para ti e moito m\u00e1is para t\u00faa irm\u00e1, que todo o copia.<\/span><\/span><\/p>\n

Xilda mira arriba e abaixo da pequena praza formada polos tres edificios que compo\u00f1en o bloque A e pola r\u00faa que parte en d\u00faas a urbanizaci\u00f3n das Camelias. Dende o balc\u00f3n do primeiro piso ten unha perfecta panor\u00e1mica da praza e da que forman do outro lado da r\u00faa os tres edificios do bloque B.<\/span><\/span><\/p>\n

(OMinisteriodeSanidadenotificou22.000contaxiosnovose368mortesacausadocoronaviruselevandoototaldefalecementosa38.486persoas)<\/i><\/span><\/span><\/p>\n

\u2014Xa chegan, xustifica a nena.<\/span><\/span><\/p>\n

Xilda non sabe ou non est\u00e1 segura dos nomes dos que acaban de chegar, os seus compa\u00f1eiros do CEP Voluntarios do Prestige do que \u00e9 alumna dende primeiros de setembro. Non sabe por que lle custa tanto. Ela, que sempre foi a alma da clase, o eixo sobre o que xiraba a aula enteira, o olli\u00f1o dereito da profesora, da \u201cprofe\u201d Sabela, a mesma que aparece sorrinte nas fotos do comezo de curso do San Xerome, sempre ao seu lado. Ou Xilda ao dela, que ben poder\u00eda ser. <\/span><\/span><\/p>\n

Lembra, iso si, de cor e sen se enganar, as cari\u00f1as e os nomes dos nenos e nenas que aparecen agrupados nas fotos das paredes da s\u00faa habitaci\u00f3n. Moi especialmente na primeira foto, a do primeiro curso de infantil, que ten pegada na parede, xusto diante da cadeira onde senta para facer os deberes, pero c\u00fastalle aprender os novos.<\/span><\/span><\/p>\n

(Afiscal\u00edadoSupremoabreunhaterceirainvestigaci\u00f3nsobreasfinanzasdeXo\u00e1nCarlosdeBorb\u00f3n<\/i><\/span><\/span>)<\/i><\/span><\/span><\/p>\n

\u2014N<\/span>on te pendures Linda, avisa Xilda \u00e1 s\u00faa irm\u00e1 pequena, m\u00e1is para contentar a s\u00faa nai que porque o considere preciso.<\/span><\/span><\/p>\n

Os nenos e nenas que van enchendo a praza son alleos para Xilda. Van al\u00e1 case dous meses dende o comezo do curso, pero non \u00e9 quen, non os sente seus. Xa non \u00e9, non quere ser, o eixo sobre o que ha de xirar a aula enteira. <\/span><\/span><\/p>\n

\u2014Ve\u00f1en m\u00e1is, rosma baixi\u00f1o, falando para si. Eses si sei quen son. Mauro, que est\u00e1 na mi\u00f1a clase, e Massou, que \u00e9 senegal\u00e9s, negro e longo como un pau queimado. <\/span><\/span><\/p>\n

Afiscal\u00edadoSupremoconsideraqueainvestigaci\u00f3naPabloIglesiaspolocasoDinadebevolver\u00e1Audiencianacional)<\/i><\/span><\/span><\/p>\n

Dende que deixaron o piso que sempre fora a s\u00faa casa para ocupar esta vivenda municipal (de acollida, escoitara dicir a s\u00faa nai), as cousas cambian de tal xeito que te\u00f1en a Xilda confundida entre o berro e o silencio, entre o desprezo e o aloumi\u00f1o, entre o desexo e a realidade, entre mam\u00e1 e pap\u00e1. Pap\u00e1. <\/span><\/span><\/p>\n

(Pol\u00e9micasobreadecisi\u00f3ndoGobernocentraldecrearuncomit\u00e9paracontrolarasnoticiasfalsas.OPPanunciaquedenunciar\u00e1amedidadiantedasautoridadeseuropeas)<\/i><\/span><\/span><\/p>\n

Nova casa, novo barrio, nova escola, nova xente. Lonxe de onde sempre viviu, nalg\u00fan outro lugar da gran cidade ao que non saber\u00eda volver por si mesma, Xildi\u00f1a sabe que lle falta algo. E non \u00e9 s\u00f3 Pap\u00e1.<\/span><\/span><\/p>\n

(OBNGaseguraques\u00f3apoiar\u00e1nascontasdoEstadoseaumentanosinvestimentosenGalicia.OPPaplaudeapostutadoBNGnosorzamentosean\u00edamosavotarnon)<\/i><\/span><\/span><\/p>\n

Bebe a muller a derradeira pinga de caf\u00e9 e deixa a pequena cunca na mesa, ao lado do sof\u00e1. Recibe e axuda a Olinda a sentar no seu colo. De xeito instintivo abraza \u00e1 nena pola cintura e coa man dereita acar\u00ed\u00f1alle o cabelo. Sente que monea, respira fondo, e busca o acomodo do cabeceiro. <\/span><\/span>Mais as lembranzas volven, unha e outra vez.<\/span><\/span><\/p>\n

(Aeconom\u00edafundiraseun12,4%esteano,casedouspuntosm\u00e1isdosqueseprev\u00edanexullo.Espa\u00f1aser\u00edao\u00fanicopa\u00edsdazonaeurocunhaca\u00eddaecon\u00f3micasuperiorao10%,segundoasprevisi\u00f3nsdaCE)<\/i><\/span><\/span><\/p>\n

Dende sempre, dende a primeira comida xuntos, sab\u00eda ben da posici\u00f3n de dominio da nai sobre o fillo. Sometemento que a muller cobraba a xeito de premio \u201cpolo moito que lle te\u00f1o aguantado a teu pai\u201d. Pero ela estaba segura de que aquel home amable e educado ser\u00eda a\u00ednda mellor co tempo. Agora, sobre o branco do teito do sal\u00f3n, pasan a grande velocidade imaxes dos \u00faltimos meses. Foi morrer a s\u00faa sogra e o fillo \u00fanico da vi\u00fava temper\u00e1 abriu sen tardar as portas dos sentimentos reprimidos durante anos. Primeiro foron sinais apenas percept\u00edbeis que ben se pod\u00edan achacar ao estr\u00e9s do traballo ou \u00e1s circunstancias familiares. Logo foron ordes, comentarios aldraxantes, abafallo coti\u00e1n. Sen tardar moito chegaron a vixilancia, o control e a coacci\u00f3n, os berros como modo de comunicaci\u00f3n. <\/span><\/span><\/p>\n

\u2014S\u00e1cateme de diante, trosma!. As nenas? As nenas vir\u00e1n comigo; non tes con que mantelas.<\/span><\/span><\/p>\n

E finalmente a violencia f\u00edsica, o abaneo como punto e seguido e o empurr\u00f3n como punto e final da conversa, da orde.<\/span><\/span><\/p>\n

A primeira labazada foi tam\u00e9n a \u00faltima. Comprendeu que unha vez traspasada aquela porta todo ser\u00eda peor, en aumento, e non pensaba aturalo. Sab\u00eda que el no llo perdoar\u00eda, pero ti\u00f1a que sa\u00edr de al\u00ed. Eran elas ou el.<\/span><\/span><\/p>\n

(AComisi\u00f3nEuropeacalculaquepecharemosestanocun16,7deparoequeseguir\u00e1aumentandoo2021)<\/i><\/span><\/span><\/p>\n

O cri-cri do m\u00f3bil tr\u00e1ea de volta ao sal\u00f3n e \u00e1 realidade. Xilda deixa de mirar \u00e1 praza e esculca a s\u00faa nai. Olinda xira e ladea a cabeza para mirar curiosa. A pantalla amosa os nove d\u00edxitos do n\u00famero dun m\u00f3bil non gardado na axenda do smart-phone. Dubida. Contesta.<\/span><\/span><\/p>\n

(Portugalprep\u00e1raseparaentrarenestadodeemerxencia.Alema\u00f1asuperaporsegundod\u00edaconsecutivoos20.000contaxioseenB\u00e9lxicahaim\u00e1isingresosnasUCIs.Dinamarcasacrificar\u00e1todososvis\u00f3nsaodetectarunhamutaci\u00f3ndovirusnestesanimaiscriadosencautividade)<\/i><\/span><\/span><\/p>\n

A voz que a sa\u00fada dende o outro lado fai que o sangue fuxa da s\u00faa cara e que o coraz\u00f3n lle bata brutalmente no peito. Un calafr\u00edo profundo e espeso perc\u00f3rrelle o corpo que, m\u00e1is al\u00f3 do seu control, incorp\u00f3rase como un raio e t\u00e9nsase como aceiro. Confundida pola certeza do fracaso do seu anonimato, escoita asustada as burlas, as aldraxes, as ameazas, outra vez. <\/span><\/span><\/p>\n

(ContinuaorecontodevotosnoscomiciosdosEstadosUnidos.PartidariosdeTrumpeBidenprotestannasr\u00faasmentresorecontoavanzapaseni\u00f1o)<\/i><\/span><\/span><\/p>\n

Ata que Xildi\u00f1a pasa correndo por diante do sof\u00e1 non se d\u00e1 conta de que o timbre que escoita non \u00e9, ou si, no m\u00f3bil, sen\u00f3n na porta da casa. Tras Xilda, como sempre, Olinda.<\/span><\/span><\/p>\n

(Odem\u00f3crataJoeBidenaunpasodaCasaBlancatrastomaradianteiranafsefinaldorecontoenPensilvaniaeGeorgia)<\/i><\/span><\/span><\/p>\n

Muda, anticipando o terror, escoita correr o tarabelo que abre a porta. <\/span><\/span><\/p>\n

\u2014Pap\u00e1!, exclama sorprendida Xilda.<\/span><\/span><\/p>\n

(<\/span><\/span>Unhomemataacoiteladasamullerdiantedasfillasde3e6anos<\/a>)<\/span><\/i><\/span><\/p>\n","protected":false},"excerpt":{"rendered":"

Ramiro Ouvi\u00f1a O.\u00a0\u2014Por amor de deus, Xildi\u00f1a, acouga. Hoxe non tes paranza. A nena ergu\u00e9rase de s\u00fapeto e corre cara ao balc\u00f3n perseguida da irm\u00e1 m\u00e1is pequena, de Olinda.<\/p>\n","protected":false},"author":1,"featured_media":0,"comment_status":"open","ping_status":"closed","sticky":false,"template":"","format":"standard","meta":{"_bbp_topic_count":0,"_bbp_reply_count":0,"_bbp_total_topic_count":0,"_bbp_total_reply_count":0,"_bbp_voice_count":0,"_bbp_anonymous_reply_count":0,"_bbp_topic_count_hidden":0,"_bbp_reply_count_hidden":0,"_bbp_forum_subforum_count":0,"_exactmetrics_skip_tracking":false,"_exactmetrics_sitenote_active":false,"_exactmetrics_sitenote_note":"","_exactmetrics_sitenote_category":0,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0},"categories":[9,100],"tags":[],"aioseo_notices":[],"_links":{"self":[{"href":"http:\/\/cafebarbantia.barbantia.es\/index.php?rest_route=\/wp\/v2\/posts\/12791"}],"collection":[{"href":"http:\/\/cafebarbantia.barbantia.es\/index.php?rest_route=\/wp\/v2\/posts"}],"about":[{"href":"http:\/\/cafebarbantia.barbantia.es\/index.php?rest_route=\/wp\/v2\/types\/post"}],"author":[{"embeddable":true,"href":"http:\/\/cafebarbantia.barbantia.es\/index.php?rest_route=\/wp\/v2\/users\/1"}],"replies":[{"embeddable":true,"href":"http:\/\/cafebarbantia.barbantia.es\/index.php?rest_route=%2Fwp%2Fv2%2Fcomments&post=12791"}],"version-history":[{"count":2,"href":"http:\/\/cafebarbantia.barbantia.es\/index.php?rest_route=\/wp\/v2\/posts\/12791\/revisions"}],"predecessor-version":[{"id":12794,"href":"http:\/\/cafebarbantia.barbantia.es\/index.php?rest_route=\/wp\/v2\/posts\/12791\/revisions\/12794"}],"wp:attachment":[{"href":"http:\/\/cafebarbantia.barbantia.es\/index.php?rest_route=%2Fwp%2Fv2%2Fmedia&parent=12791"}],"wp:term":[{"taxonomy":"category","embeddable":true,"href":"http:\/\/cafebarbantia.barbantia.es\/index.php?rest_route=%2Fwp%2Fv2%2Fcategories&post=12791"},{"taxonomy":"post_tag","embeddable":true,"href":"http:\/\/cafebarbantia.barbantia.es\/index.php?rest_route=%2Fwp%2Fv2%2Ftags&post=12791"}],"curies":[{"name":"wp","href":"https:\/\/api.w.org\/{rel}","templated":true}]}}