{"id":13677,"date":"2021-11-05T06:00:00","date_gmt":"2021-11-05T06:00:00","guid":{"rendered":"http:\/\/cafebarbantia.barbantia.es\/?p=13677"},"modified":"2021-10-28T07:01:53","modified_gmt":"2021-10-28T07:01:53","slug":"as-fabricas-de-corrubedo-2","status":"publish","type":"post","link":"http:\/\/cafebarbantia.barbantia.es\/?p=13677","title":{"rendered":"As f\u00e1bricas de Corrubedo"},"content":{"rendered":"

\"llovo\"<\/a>Santiago Llovo Taboada.\u00a0<\/strong><\/em>Dicir que Corrubedo \u00e9 un sitio especial non \u00e9 ning\u00fan descubrimento. Son moitos os activos que atesoura esta fermosa parroquia de\u00a0Ribeira<\/a>, alg\u00fans evidentes e outros que non o son tanto. Hoxe \u00edmonos centrar nunha parte senlleira da s\u00faa historia, as f\u00e1bricas de salga.<\/p>\n

Na fotograf\u00eda vense con claridade os restos das tres salgaduras que houbo na praia da Robeiri\u00f1a. A m\u00e1is vella delas ergueuna un catal\u00e1n en 1814. Noutras d\u00faas praias da localidade tam\u00e9n quedan vestixios doutras. Na da Robeira, antigamente chamada praia das Lanchas, houbo ata cinco. Unha delas, a m\u00e1is antiga, foi constru\u00edda no s\u00e9culo XVIII. Por \u00faltimo, na praia do Prado, na zona chamada do Cant\u00f3n, houbo outra.<\/p>\n

En total estamos a falar de nove grandes salgaduras distribu\u00eddas entre estas tres praias urbanas da localidade. Todas elas foron erguidas en terreos aforados que eran da posesi\u00f3n do ent\u00f3n Marqu\u00e9s de Camarasa, propietario do coto de Santa Mar\u00eda de Corrubedo e se\u00f1or do pazo de Xunqueiras, na Pobra do Carami\u00f1al.<\/p>\n

Foron moitas as xeraci\u00f3ns de pescadores de Corrubedo que serviron de sardi\u00f1a estas f\u00e1bricas, e tam\u00e9n moitas as mulleres que al\u00ed traballaron, pero o realmente sorprendente e diferencial con outras localidades foi a cantidade de familias que as explotaron.<\/p>\n

Xa fora como propietarios ou en r\u00e9xime de alugueiro nestas salgaduras traballaron moitos compo\u00f1entes de familias moi co\u00f1ecidas no Barbanza, tanto catal\u00e1ns, como \u00abnativos\u00bb. Entre os primeiros destacamos os seguintes apelidos: Barnet, Barreras, Batista, Bus\u00f3ns, Cardona, Carrer\u00f3, Colomer, Crusat, Curt, Gelabert, Piferrer, Pijuan, Ferrer (Grau Ferrer tivo unha e Jos\u00e9 Ferrer \u201cMarl\u00e9s\u201d chegou a ter catro), Riva, Roig, Saledrigas, Soler ou Villoch. En canto aos nativos tiveron salgaduras de seu en Corrubedo as seguintes familias: Ageitos, Del R\u00edo, Dom\u00ednguez, Fajardo (de alcume Fagorro), Fern\u00e1ndez, Mari\u00f1o, Mart\u00ednez, Paz, P\u00e9rez, Riveiro, Silva, Somoza, Varela, Vidal e Vizcaya.<\/p>\n

Este elevado n\u00famero de \u00abfomentadores\u00bb non era casual. De igual xeito a como sucedeu noutras r\u00edas, cando \u00eda descendendo a captura de sardi\u00f1a no interior das mesmas, os industriais da salga \u00edan traspasando a s\u00faa produci\u00f3n \u00e1 parte exterior.<\/p>\n