{"id":5391,"date":"2016-04-03T06:00:13","date_gmt":"2016-04-03T06:00:13","guid":{"rendered":"http:\/\/cafebarbantia.barbantia.es\/?p=5391"},"modified":"2016-03-28T09:42:32","modified_gmt":"2016-03-28T09:42:32","slug":"neurose-sedentario-compulsiva","status":"publish","type":"post","link":"https:\/\/cafebarbantia.barbantia.es\/?p=5391","title":{"rendered":"Neurose sedentario-compulsiva"},"content":{"rendered":"

\"viaxe0\"<\/a>X. Ricardo Losada.\u00a0<\/strong><\/em>Saben os que me co\u00f1ecen que son un tipo bastante sedentario e que, para m\u00e1is inri, g\u00e1bome de selo. As\u00ed que non se estra\u00f1ar\u00e1n se lles digo que cando me comunicaron que ti\u00f1a que ir a Madrid e volver en pouco m\u00e1is de vinte e catro horas, levei un desgusto. Supuxen que ir\u00eda malhumorado (por romper daquela maneira a rutina coti\u00e1), e morri\u00f1ento (por estar tanto tempo f\u00f3ra), pero a realidade \u00e9 que fun asombrado, coa sensaci\u00f3n de estar sa\u00edndo dun telexornal. Expl\u00edcome. As persoas sedentarias mov\u00e9monos como peixes na auga no mundo \u00edntimo, pero no mundo externo somos bastantes torpes xa que s\u00f3 manexamos datos e referencias alleas. Todo o que sei dese mundo aprendino en peri\u00f3dicos, telexornais e novelas. Pois ben. Nesta viaxe experimentei in situ moitos deses co\u00f1ecementos, e non foi unha experiencia agradable. Pero non porque me decepcionase, sen\u00f3n porque a realidade era tal e como os mass media contaban, e eu us\u00e1baos con paix\u00f3n convencido de que eran pura ficci\u00f3n manipuladora.<\/p>\n

\u00a0\u00a0\u00a0\u00a0 O asombro xa comezou en Santiago. Hab\u00eda moitos anos que non \u00eda en tren e sorprendeume que a estaci\u00f3n fose a renovada que vira tantas veces no Correo Gallego e non a da mi\u00f1a \u00e9poca de estudante. E tam\u00e9n era verdade que aumentara a seguridade. A mi\u00f1a inocente maleta (roupa interior limpa) tivo que pasar por un esc\u00e1ner e o meu billete polas mans dun polic\u00eda nacional que me meteu no corpo ese medo que estaba farto de ver en imaxes televisivas de atentados e pel\u00edculas de cat\u00e1strofes. Loxicamente recordei as imaxes de Angrois pero agora eran reais, al\u00ed estaban curva, barranco e campo da festa. E non s\u00f3 iso. Comet\u00edn o erro de mirar na pantalla do vag\u00f3n a que velocidade iamos. Como era a prevista pola p\u00e1xina web de RENFE, xa non deixei de consultala, constatando con gran sorpresa que tam\u00e9n eran certas as queixas de moitos pol\u00edticos galegos.\"viaxe1\"<\/a> En Galicia case nunca pasa de 100 e en Castela case nunca baixa de 200. Pero hab\u00eda m\u00e1is. Galicia, monta\u00f1osa e verde, e Castela, cha e an\u00f3dina, eran tal e como dic\u00edan as p\u00e1xinas dixitais de Google Earth que tanto visitamos os sedentarios. E cando comprobei que nas serras hab\u00eda a neve que esa mesma ma\u00f1\u00e1 anunciaran os homes do tempo, a decepci\u00f3n foi mai\u00fascula. Por que lle chamaban cuarto poder \u00e1 prensa se se limitaba a describir a realidade? Que clase de poder era ese?<\/p>\n

\u00a0\u00a0\u00a0\u00a0 Na estaci\u00f3n de Chamart\u00edn coll\u00edn un taxi e comprobei todos os t\u00f3picos que lera sobre os taxistas madrile\u00f1os. Falador, hipercr\u00edtico, e protexido por un cristal que confirmaba as noticias de m\u00faltiples agresi\u00f3ns a ese gremio. Tam\u00e9n como agardaba, o taxista foi monotem\u00e1tico: improperios contra Uber, esa empresa dixital de transporte que lles fai competencia desleal. A\u00ednda que non era necesario, pedinlle que fose pola Castellana e, \u00e1 altura do Bernabeu (o Madrid xogaba contra a Roma), baixei a vent\u00e1 do coche e, de novo con gran sorpresa, o\u00edn os gritos das afecci\u00f3ns que estaba habituado a o\u00edr por televisi\u00f3n e que sempre supuxera, como os risos das comedias, enlatados. Cando baixei en Bravo Murillo confluencia con Almansa (as\u00ed o dixen, confluencia, como lera nunha novela ambientada en Nova York), pensei que estaba primeiro en Turqu\u00eda, pola cantidade de kebabs, e despois en China, pola cantidade de chineses. E se iso a un sedentario galego lle debera sorprender (Madrid? Moitos madrile\u00f1os), tampouco me sorprendeu. Hab\u00eda pouco que vira un documental sobre a inmigraci\u00f3n en Madrid. E que dicir dos prezos do hotel e demais trapalladas capitalinas? De atraco, por suposto, pero xa \u00eda avisado polos estudos de IPC que leo nas p\u00e1xinas salm\u00f3n dos peri\u00f3dicos dominicais.<\/p>\n

\u00a0\"viaxe3\"<\/a>\u00a0\u00a0\u00a0 A ma\u00f1\u00e1 seguinte fixen o que ti\u00f1a que facer e ao acabar fun \u00e1 estaci\u00f3n de Chamart\u00edn, deixei a equipaxe en consigna e, como faltaban d\u00faas horas para a sa\u00edda do tren, decid\u00edn dar un paseo e comer nun restaurante que me recomendaran preto da praza de Castilla. Tras comprobar que as torres KIO ti\u00f1an o mesmo grao de inclinaci\u00f3n que en El d\u00eda de la bestia<\/i>, fun ata os famosos xulgados desa praza para verificar que ducias de periodistas e c\u00e1maras de televisi\u00f3n agardaban a entrada do pr\u00f3ximo pol\u00edtico corrupto. Com\u00edn nun famoso restaurante as mesmas viandas que recomendaba a gu\u00eda Michel\u00edn, e volv\u00edn a Chamart\u00edn para facer a viaxe de volta. Unha viaxe de volta que nada tivo que ver coa de ida. Nin sequera me acordei da curva de Angrois. Fun todo o traxecto pregunt\u00e1ndome como era posible que a xente viaxase tanto se os mass media e os libros describ\u00edan tal e como era a realidade. A que vi\u00f1a aquela obsesi\u00f3n n\u00f3made-compulsiva? Neurose colectiva, quizais? Cheguei \u00e1 casa tenso, sobreexcitado e con ganas de matar a algu\u00e9n. Preparei a cea e tomeina mirando o telexornal, pero s\u00f3 me relaxei cando, na cuarta noticia, apareceu o pol\u00edtico corrupto entrando nos xulgados da praza de Castilla tal e como o vira pola ma\u00f1\u00e1. Pero iso no foi o decisivo, o decisivo foi que eu non aparec\u00eda por ningures. A conclusi\u00f3n, despois do que aprendera aquel longo d\u00eda, parec\u00eda clara. Nunca fixera aquela est\u00fapida viaxe.<\/p>\n","protected":false},"excerpt":{"rendered":"

X. Ricardo Losada.\u00a0Saben os que me co\u00f1ecen que son un tipo bastante sedentario e que, para m\u00e1is inri, g\u00e1bome de selo. As\u00ed que non se estra\u00f1ar\u00e1n se lles digo que cando me comunicaron que ti\u00f1a que ir a Madrid e volver en pouco m\u00e1is de vinte e catro horas, levei un desgusto. Supuxen que ir\u00eda … Seguir lendo Neurose sedentario-compulsiva<\/span> →<\/span><\/a><\/p>\n","protected":false},"author":1,"featured_media":0,"comment_status":"open","ping_status":"closed","sticky":false,"template":"","format":"standard","meta":{"_bbp_topic_count":0,"_bbp_reply_count":0,"_bbp_total_topic_count":0,"_bbp_total_reply_count":0,"_bbp_voice_count":0,"_bbp_anonymous_reply_count":0,"_bbp_topic_count_hidden":0,"_bbp_reply_count_hidden":0,"_bbp_forum_subforum_count":0,"_exactmetrics_skip_tracking":false,"_exactmetrics_sitenote_active":false,"_exactmetrics_sitenote_note":"","_exactmetrics_sitenote_category":0,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0},"categories":[7,9,22,26],"tags":[],"aioseo_notices":[],"_links":{"self":[{"href":"https:\/\/cafebarbantia.barbantia.es\/index.php?rest_route=\/wp\/v2\/posts\/5391"}],"collection":[{"href":"https:\/\/cafebarbantia.barbantia.es\/index.php?rest_route=\/wp\/v2\/posts"}],"about":[{"href":"https:\/\/cafebarbantia.barbantia.es\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/cafebarbantia.barbantia.es\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/cafebarbantia.barbantia.es\/index.php?rest_route=%2Fwp%2Fv2%2Fcomments&post=5391"}],"version-history":[{"count":2,"href":"https:\/\/cafebarbantia.barbantia.es\/index.php?rest_route=\/wp\/v2\/posts\/5391\/revisions"}],"predecessor-version":[{"id":5396,"href":"https:\/\/cafebarbantia.barbantia.es\/index.php?rest_route=\/wp\/v2\/posts\/5391\/revisions\/5396"}],"wp:attachment":[{"href":"https:\/\/cafebarbantia.barbantia.es\/index.php?rest_route=%2Fwp%2Fv2%2Fmedia&parent=5391"}],"wp:term":[{"taxonomy":"category","embeddable":true,"href":"https:\/\/cafebarbantia.barbantia.es\/index.php?rest_route=%2Fwp%2Fv2%2Fcategories&post=5391"},{"taxonomy":"post_tag","embeddable":true,"href":"https:\/\/cafebarbantia.barbantia.es\/index.php?rest_route=%2Fwp%2Fv2%2Ftags&post=5391"}],"curies":[{"name":"wp","href":"https:\/\/api.w.org\/{rel}","templated":true}]}}