El desafortunado, de Ariel Magnus

9788432236679Xerardo AgraFoxo. Este libro conta unha historia ben coñecida polos lectores interesados polas escouras deixadas polo Holocausto. No ano 1950, baixo o nome de Ricardo Klement, estableceuse na Arxentina, contando coa protección do peronismo, Adolf Eichmann, un dos principais arquitectos da “solución final”. Dous anos despois chegou a súa muller e os fillos. Comezaban deste xeito unha vida plácida até que un encontro fortuíto nun cine de Bos Aires lle deu pistas ao Mossad para capturalo no 1960. A historia posterior tamén é ben coñecida. A través dunha escrita moi coidada, Ariel Magnus (Bos Aires, 1975) conta a vida clandestina e discreta deste criminal nazi que, amparado pola comunidade alemá na Arxentina, nunca rexeitou os asasinatos cometidos polo nazismo nin a súa intervención directa como responsábel Seguir lendo

Noia e Muros. Paisaxes urbanas de séculos. II, de Pedro García Vidal

PEDRO 001Xerardo AgraFoxo. Este libro é a segunda parte da Tese de Doutoramento que defendeu o autor, na facultade de Xeografía e Historia da Universidade de Santiago no ano 2012, sobre a evolución da paisaxe urbana na ría de Muros-Noia. O conxunto daquel traballo monumental abranguía un período de máis de oitocentos anos, dende o xurdimento destas vilas como enclaves pesqueiros até os nosos días. Nesta obra estúdase polo miúdo a poboación desta comarca, os cambios realizados no seu espazo urbano, a aparición dos Plans Xerais de Ordenación Urbana, a protección da paisaxe histórica e a desconfianza na planificación dos modelos de urbanismo. Seguir lendo

Flores de ferro, de María Rei Vilas

41Ru2C-jtFL._AC_SY400_Xerardo AgraFoxo. Non resulta sorprendente que esta obra gañase o Premio García Barros 2020, pero si resulta sorprendente, tal como se le na lapela do libro, que esta sexa a primeira novela desta profesora de Bioloxía e Xeoloxía no Instituto Agra de Leborís de Laracha. A obra comeza cun pulso firme, unha trama narrativa engaiolante e unha lingua moi acaída para esta historia de descubertas sorprendentes e sentimentos encontrados. A protagonista, Camila, unha moza asolada polas incertezas (“ataques de ansiedade e soños angustiosos”) deixa na cidade o seu pai enfermo (“O ictus deulle aquí mesmo”) para emprender unha viaxe cara á Briana, a súa vila natal, coa teima de resolver nas paisaxes da súa infancia os problemas que a invaden. Seguir lendo