Arquivos da categoría Inés Otero

Catro lecturas do verán

fumoInés Otero. Nestes derradeiros días do verán lin catro libros que gardan entre si unha coincidencia. En Fumo, Ivan Turguénev conta a historia de tres persoas, Litvínov, Irina e Tatiána, unidas por unha complexa relación amorosa. Antoine de Saint Exupéry narra en Voo nocturno as peripecias dos pilotos que levaban o correo postal polas estremas chairas da Patagonia nunha época onde a navegación aérea semellaba unha auténtica aventura. Para Isabel é un fermoso relato contado por Antonio Tabucchi que nos leva a seguir as pegadas deste comprometido personaxe, perseguido por unha ditadura noxenta, a través de xeografías diversas e paisaxes algo máis familiares. Continue reading Catro lecturas do verán

Unha historia de amor e escuridade, de Natalie Portman

natalieInés Otero. Esta orixinal película, baseada na novela de Amoz Oz publicada co mesmo título e traducida a 28 idiomas, conta a traumática mocidade do escritor xudeu durante  a época do Mandato británico en Palestina e os primeiros anos do Estado de Israel. Unha vida arrepiante por culpa das circunstancias que arrodearon o suicidio da súa nai (cando a vida non logrou cumprir as promesas da mocidade, miña nai comezou a concibir a morte como un soño protector e relaxante). Un tráxico acontecemento que se convertería nunha sombra impertinente na vida do autor de A caixa negra. Unha historia de amor e escuridade (2016) está ambientada no casco histórico de Xerusalén, onde el viviu nu apartamento ateigado de libros en dez idiomas Continue reading Unha historia de amor e escuridade, de Natalie Portman

Recordarán tu nombre, de Lorenzo Silva

lorenzoInés Otero. Esta é a historia dun cidadán d´O Ferrol,  Xosé Aranguren Roldán, a máxima autoridade da Garda Civil en Cataluña cando se ergueron os rebeldes contra a República o 17 de xullo de 1936. Enfrontouse con Manuel Goded, comandante do exército nas Illes Balears, e impediu que Barcelona caese en mans dos sublevados. Por tal motivo, uns anos despois sería xulgado ante un tribunal, entre cuxos poñentes estaba un tal Joaquín Otero Goyanes, no Palacio  Xustiza de Barcelona. E, malia ser amigo persoal de Franco, con quen compartira estreitos lazos durante  a estadía dos dous na Coruña, o ditador, ante a solicitude de indulto, pois Aranguren estaba delicado de saúde por culpa dun accidente, sentenciou: Continue reading Recordarán tu nombre, de Lorenzo Silva

O editor de libros, de Michael Grandage

editor de librosInés Otero. Esta é unha película sobre Maxwell Perkins, o editor norteamericano que consideraba que a literatura era una cuestión de vida ou morte. Max Perkins tamén é o home que, despois de estudar na universidade de Harvard, fundou a editorial Scribner, a mesma que publicou os primei-ros libros de Henry James e Edith Wharton, mellorou as páxinas dalgunhas novelas de Ernest Hemingway, como Adeus ás armas,  e publicou as dúas mellores obras dun tal Scott Fitzgerald, A este lado do paraíso e O gran Gatsby, un  mozo saído de Princeton con algunhas gotas de alcohol nas súas veas. Continue reading O editor de libros, de Michael Grandage