Arquivos da categoría Pastor Rodríguez

Memoria popular de Ribeira

A_barra_por_dentroPastor Rodríguez. Antonio Novo Salgado, aínda que nado en Teo en 1947, dende os anos setenta viviu en Ribeira, cidade na que se dedicará á hostalaría, na histórica cafetería Nordeste. E sobre a súa especialidade publicará as obras Vocabulario de cócteles (1991), O libro dos cócteles galegos (1993) e A barra por dentro (1995). Pero o que lle deu popularidade na súa vila de acollida foron as obras nas que recolleu a memoria e as anécdotas de todos os personaxes famosos da cidade de adopción. Así, en 1994 publica Contos verdadeiros, e no ano 1997 publica na Coruña as obras Ilustres anónimos. Continue reading Memoria popular de Ribeira

Charo Lopes

O Escritor. Album_Charo_Lopes 169Pastor Rodríguez. Natural de Boiro, fotógrafa, xornalista e poeta. Colaboradora de Barbantia, en 2007 foi incluída polo seu concello natal no Catálogo de Novos Creadores do Barbanza. Licenciada en Xornalismo, na universidade de Compostela vencéllase ás loitas sociais e políticas cunha visión independentista. En Ourense fórmase como fotógrafa artística na ESAD Antonio Faílde e xa na Coruña cursa un Mestrado en Literatura, Cultura e Diversidade. No ano 2014 recibe o primeiro premio Xuventude Crea da Xunta de Galicia polo poemario Random. Do quotidiano e en 2015 gaña o Premio Fiz Vergara Vilariño con De como acontece o fin do mundo (2016) e logo o Premio de poesía Cidade de Ourense con Álbum (2020). Continue reading Charo Lopes

Francisco Landeira Sevilla, un bispo nado en Ribeira

O Escritor. Carta_pastoral_Francisco_Landeira_Sevilla[1889]Pastor Rodríguez. Nado en Ribeira o 23 de maio de 1804, Francisco Landeira e Sevilla ocupou Cátedra de Dereito Canónico na facultade de Teoloxía de universidade de Granada cando só tiña 23 anos. En 1829 pasou á cátedra de Madrid, onde permanecerá ata 1850. Máis tarde foi bispo de Teruel, lugar no que comezou a publicar os seus escritos pastorais dende 1850, entre eles a Carta pastoral del Ilmo. Sr. Don Francisco Landeira y Sevilla al clero y pueblo de su diócesis (Teruel, 1853). En 1861 pasou a ser bispo de Murcia, cargo que ocupou ata a súa morte en Lorca o 15 de setembro de 1876, aínda que en 1872 estivera nomeado para ocupar a sé da Habana. Continue reading Francisco Landeira Sevilla, un bispo nado en Ribeira

Francisco Carantoña, narrador e crítico de arte

O Escritor. Memorias_del_peregrino_Till. ImaxePastor Rodríguez. Moi pouco coñecido no Barbanza, Francisco Carantoña naceu en Muros o 4 de abril de 1923. Químico de carreira, dedicouse ao xornalismo, á crítica de arte e á narrativa. En 1954 publica en Madrid un estudo sobre periodismo, El Siglo Futuro, pero vai destacar, sobre todo, como narrador, xeira que comeza en 1965 con Memorias del peregrino Tell, editada en Xixón, aínda que a súa obra máis famosa será La libertad de los tejones, Madrid, 1975. Como crítico de arte especializouse en pintores asturianos e en 1964 saca do prelo en Xixón Nicanor Piñole. Vida, obra y entorno del pintor e aínda en 1971 lle dedicará unha nova monografía, Nicanor Piñole. Continue reading Francisco Carantoña, narrador e crítico de arte