Xerardo AgraFoxo. Se estás baixo de moral ou afectado pola pantasma da pandemia, por favor, non leas este libro. Malia que semella unha biografía sobre o autor de Vida e destino, en realidade, narra a historia dun país que un día tomou unha decisión transcendente: SUPRIMIR A VERDADE. Entón desapareceron do seu mapa varios millóns de xudeus e milleiros de opositores. Unha sorte de Holocausto porque, se abrías a boca, tanto que foses un neno, un vello ou un soldado raso, dabas cos ósos nunha gabia. Así sucedeu durante varias décadas de silencio, tortura e represión. Esta teima suicida intentou silenciar a Vasili Grossman, que morreu sen ver publicada a súa magna obra: Vida e destino. Continue reading Vasili Grossman y el siglo soviético, de Alexandra Popoff
Arquivos da categoría Xerardo AgraFoxo
El desafortunado, de Ariel Magnus
Xerardo AgraFoxo. Este libro conta unha historia ben coñecida polos lectores interesados polas escouras deixadas polo Holocausto. No ano 1950, baixo o nome de Ricardo Klement, estableceuse na Arxentina, contando coa protección do peronismo, Adolf Eichmann, un dos principais arquitectos da “solución final”. Dous anos despois chegou a súa muller e os fillos. Comezaban deste xeito unha vida plácida até que un encontro fortuíto nun cine de Bos Aires lle deu pistas ao Mossad para capturalo no 1960. A historia posterior tamén é ben coñecida. A través dunha escrita moi coidada, Ariel Magnus (Bos Aires, 1975) conta a vida clandestina e discreta deste criminal nazi que, amparado pola comunidade alemá na Arxentina, nunca rexeitou os asasinatos cometidos polo nazismo nin a súa intervención directa como responsábel Continue reading El desafortunado, de Ariel Magnus
Noia e Muros. Paisaxes urbanas de séculos. II, de Pedro García Vidal
Xerardo AgraFoxo. Este libro é a segunda parte da Tese de Doutoramento que defendeu o autor, na facultade de Xeografía e Historia da Universidade de Santiago no ano 2012, sobre a evolución da paisaxe urbana na ría de Muros-Noia. O conxunto daquel traballo monumental abranguía un período de máis de oitocentos anos, dende o xurdimento destas vilas como enclaves pesqueiros até os nosos días. Nesta obra estúdase polo miúdo a poboación desta comarca, os cambios realizados no seu espazo urbano, a aparición dos Plans Xerais de Ordenación Urbana, a protección da paisaxe histórica e a desconfianza na planificación dos modelos de urbanismo. Continue reading Noia e Muros. Paisaxes urbanas de séculos. II, de Pedro García Vidal
Flores de ferro, de María Rei Vilas
Xerardo AgraFoxo. Non resulta sorprendente que esta obra gañase o Premio García Barros 2020, pero si resulta sorprendente, tal como se le na lapela do libro, que esta sexa a primeira novela desta profesora de Bioloxía e Xeoloxía no Instituto Agra de Leborís de Laracha. A obra comeza cun pulso firme, unha trama narrativa engaiolante e unha lingua moi acaída para esta historia de descubertas sorprendentes e sentimentos encontrados. A protagonista, Camila, unha moza asolada polas incertezas (“ataques de ansiedade e soños angustiosos”) deixa na cidade o seu pai enfermo (“O ictus deulle aquí mesmo”) para emprender unha viaxe cara á Briana, a súa vila natal, coa teima de resolver nas paisaxes da súa infancia os problemas que a invaden. Continue reading Flores de ferro, de María Rei Vilas