Román Arén. Non son escasas as alusións a Galicia e aos galegos na poesía hispanoamericana, xa dende a época colonial (Sor Juana Inés de la Cruz, Juan Ruiz de Alarcón), e así Mendive, Rubén Darío, A. Capdevila, Neruda, Augier, Bufano, Nancy Morejón, Juana de Ibarbourou, Hugo Gutiérrez Vega, Ribera Chevremont, Enriqueta Terán, Rubén Benítez, Bossa Herazo, González Carbalho, Casal, Molinari, Bosco e moitos outros darían para unha interesante escolma. A eles habería que engadir os que cantaron ao apóstolo Santiago, que Margarita Vila estudou nun traballo de 1993: José Santos Chocano, Ricardo James Freyre, Jaime Mendoza, Peralta Barnuevo, Rothschu Tablada. A estes nomes engado agora o da chilena Stella Corvalán (Talca, 1913-1994), que tomo do libro do teólogo e libreiro Rafael Silva Costoyas, que a inclúe en Ante el Pórtico de la Gloria. Poesía e interpretación (2019), quen pola súa banda, o tomou da revista <El Eco Franciscano> de febreiro de  1957. O poema leva por título “Pórtico de la Gloria”:

Amanecer de luz/que va creciendo/en cada rostro que a la Gloria asciende./Lontananza de fe, cúmulo eterno,(vórtice en claridad,/cumbre de cumbres./Quieto esplendor/que en siglos se perfuma,/fino maná para las almas limpias,/festín divino, bocanal sublime/que ardida va incendiando/las centurias./Pórtico de la Gloria que a la Gloria/con su legión de Amor/parece alzarse:/Apóstoles, profetas, serafines,/ángeles, santos/hacia el Cielo giran…/Solo hay un rostro/que en terrestre anhelo/parece descender,/tierno y humano/a dar su alto mensaje…/Es Daniel, el profeta,/y su sonrisa/ata con lazo astral/Tierra y Cielo.

No libro de Silva Costoyas están tamén os poemas de Gerardo Diego, Rosalía, García-Bodaño, José María Díez, García Lorca, Manuel María, Cabanillas, Unamuno e Cué. Máis as prosas de Cunqueiro, S. Moralejo e Rivas, ademais dalgúns textos litúrxicos.