Román Arén. Ando estes días ás voltas con Cabanillas e Na noite estrelecida, para llelo explicar aos alumnos e alumnas, ad usum delphini pois ninguén pon en dúbida que é o autor de Cambados unha das nosas grandes figuras literarias, pero… Pero parecía ben sepultado na súa Obra completa até hai uns poucos anos, nos que se editan por solto as súas obras, ben comentadas, recentemente mereceu unha boa biografía e está máis lido agora, e ben lido, que hai dez anos. Cabanillas é unha figura fundamental da nosa literatura, inserido non só na tradición galega, senón tamén nas tradicións europeas: a lección dos mestres do Rexurdimento, o prerrafaelismo, o simbolismo, o modernismo, o saudosismo. Seguir lendo Cabanillas connosco
Arquivo da categoría: Román Arén
Cesariny por Cesariny
Román Arén. A colección Sons de Assírio & Alvim edita este Poemas de Mário Cesariny ditos por Mário Cesariny (2007), con capa do propio autor de 1948. O libro, claro é, vai na compaña dun CD de case unha hora coa voz do poeta.Foi Mário Cesariny (1903-2006) figura chave, figura rei, do surrealismo portugués, no que entrou en 1947 con O’Neill e Lisboa, para pasar a 1949 ao grupo Surrealista Dissidente con Leiria e Lisboa. Grande poeta, que arrincou do compromiso realista para escribir O virgem negra (desmitificación de Pessoa), Pena Capital, Titânia ou a cidade escura, Manual de Presdigitaçao, A cidade queimada, A intervençao Surrealista, Nobilíssima Visao, Jornal do gato e outras varias. Seguir lendo Cesariny por Cesariny
Centenario de José Rubia Barcia
Román Arén. En 1914 nacía en Mugardos Rubia Barcia, un prestixioso hispanista nos Estados Unidos, pais no que estivo exiliado e onde foi profesor universitario, sucedendo na cátedra a outro galego, César Barja. Antes pasara por Francia e por Cuba, e na illa foi home clave no desenvol-vemento do teatro cubano. Non foi Barcia un erudito clásico, pois combinou o traballo especia-lizado en estudos hispánicos cun labor de xornalista comprometido, dende posicións socialistas, sempre en defensa da democracia e da xustiza social, sempre contra Franco. Seguir lendo Centenario de José Rubia Barcia
Unha guía cultural
Román Arén. Entre a oferta de guías que promoven a nosa bisbarra, non contabamos até agora cunha obra destas características que dese visibilidade aos nosos creadores dun xeito sintético e de doada lectura. É certo que o autor, Xoán Pastor, ofrecera xa ao público en 1999 o volume Escritores da Barbanza, estudo pioneiro de conxunto da literatura producida na nosa comarca, que logo complementou co Diccionario de Escritores Ribeirenses en 2002. Pero esta é unha obra diferente, pois non inclúe os creadores da ría de Muros-Noia e non se limita a escritores, xa que tamén ten en conta cultivadores doutras artes e algúns personaxes históricos. Seguir lendo Unha guía cultural