Pastor Rodríguez. Emigrante en 1875, Juan González Montenegro nacera en Noia en 1861 e estableceuse en Cuba, dedicando os seus esforzos ao xornalismo, colaborando en La Voz de Cuba, La Patria e El Asimilista. Fundou os semanarios El Duende e El Noticiero Ilustrado, así como os xornais El Brujo, El Combate de Camajuaní, La Tribuna de Manzanillo, La Opinión Pública de Santiago de Cuba e La Voz de Galicia, en 1892, no que fixo famosos os seus pseudónimos El Brujo e Montenegro, ás veces en duras polémicas co xornalista galego Waldo Álvarez Insúa. Home moi combativo, o seu labor xornalístico estivo moi condicionado pola guerra de Cuba pola independencia. Seguir lendo Un noiés en América →

Pastor Rodríguez. Nacida na década dos sesenta, doutora pola universidade de Compostela coa tese Contribución ó estudio da antroponimia medieval galega (séculos VIII-XIII) (1994), Ana Isabel Boullón Agrelo é ben coñecida por un público amplo por ser unha das autoras do Diccionario dos nomes galegos (Vigo, Ir Indo, 1992), pero destaca polos seus estudos lingüísticos, tendo estudado a lingua de Celso Emilio Ferreiro, as características do léxico administrativo, a problemática dos dicionarios galegos para nenos, o léxico de Lamas Carvajal ou o léxico xurídico medieval. Coautora do Diccionario escolar galego (1989) e dun Vocabulario comercial (1988), é académica correspondente da Real Academia Galega e profesora da universidade compostelá. Seguir lendo Unha filóloga da Pobra →

Pastor Rodríguez. Se hai un nome destacado nas Ciencias Económicas no Barbanza, este é o noiés Xocas Fernández Leiceaga, nado en 1961 e que foi concelleiro en Noia e Santiago de Compostela, ademais de deputado no Parlamento Galego. Doutor en 1990, é titular de Economía Aplicada na Universidade de Compostela dende 1992, institución da que foi vicerreitor. Recibiu o Premio da Crítica de Galicia en Investigación no ano 1994. Para entender a problemática galega no terreo forestal é fundamental o seu volume Economía (política) do monte galego, aparecido en 1990. En 1993 publicou outra obra importante: Capital estranxeiro e industrialización en Galicia. Colaborador de revistas como Grial, Agália, A Nosa Terra e Tempos Novos. Seguir lendo Un economista de Noia →