Francisco Ant. Vidal Blanco. Cando a mediados do século XIX xurdiu aquela famosa, peliculeira e tan documentada febre do ouro en California, nunha rexión a onde daquela só emigraban os que non tiñan a onde ir, quen realmente se fixo rico non foi quen atopou ouro, senón quen abasteceu ós buscadores. Seguir lendo A febre do ouro
Antón Riveiro Coello. Hai uns días asistín abraiado á nova entrega de Salvados, onde o protagonista, desta volta, era o porco, un animal ao que sempre lle tiven certa querenza non só pola súa carne senón tamén porque forma parte emocional do meu pasado. De neno, cando ía á aldea, o porco case era un máis da familia. Seguir lendo Vida de porcos
Fidel Vidal. Que sería das palabras sen o silencio? E da escrita sen o branco da páxina? O silencio non é un baleiro, un oco improdutivo, é o lugar onde a voz toma asento. Así o baleiro necesario no espazo para que a vida floreza e alente. Referímo-nos ao espazo e ao silencio inocentes, coa única intención de axuda e colaboración. Porque hai ocos e silencios que estouran máis cá treboada. Seguir lendo Silencio e palabras
Pastor Rodríguez. Nado en Noia o 21 de agosto de 1887, pola súa data de nacemento pertence a unha ilustre xeración que no Barbanza deu intelectuais como Castelao, García Martí, Lustres Rivas ou Fernández Mato. Estudante de bacharelato en Compostela, ingresa na Facultade de Medicina desa cidade en 1903, licenciándose en 1908 e especializándose en Anatomía. Os estudos de doutoramento realizounos en Madrid, onde leu a tese “Mastoiditis y trepanación”. Dende 1909 traballou na universidade de Santiago e en 1916 gaña a cátedra de Técnica Anatómica da universidade de Sevilla, pero ese mesmo ano pasa a Compostela, á cátedra de Anatomía Descritiva e Embrioloxía ata a súa morte nun accidente de automóbil en 1933. Seguir lendo Alejandro Rodríguez Cadarso, o reitor de Compostela