Román Arén. Se hai escritores hispanoamericanos que teñen orixe galega ou, directamente, naceron en Galicia e emigraron (José Blanco Amor, Victoriano Abente, Carlos Montenegro), non era o caso de Víctor Luis Molinari (Bos Aires, 1904-1980), un arxentino de orixe italiana que quixo ser galego e case o conseguiu, por iso Alonso Montero o denomina “un ligur na cultura galega”, Julieta Gómez Paz o inclúe en Galicia y la poesía (1988) e Neira Vilas escribe sobre “ Galicia en Víctor Luis Molinari”. Dedicou un poema a Castelao en Canciones para la promesa cumplida,  publicou Homenaje a Castelao (1973), visitou Galicia en 1953, produto desa viaxe foi El perfil en la sombra (1970), onde está un bo poema a Rosalía (“Sombra), gabanzas ao galego (“Enraizada raíz, médula y cuajo,/vertebración del aire con la tierra”), foi ademais autor de Poemas gallegos (1958), Itinerario gallego (1958), Latitud Finisterre (1961), La herida sin tiempo (1964) e outros libros. Eu prefiro dos seus texto poéticos “Pórtico de la Gloria”.

Pórtico de la Gloria, amanecido,/tras la fachada que quemó su fuego,/paloma del mensaje sin olvido,/oración del misal, pero sin ruego.//Pórtico de la Gloria, anochecido,/brumas de lluvia, siglos con laureles,/confesonario del amor vencido,/fidelidad de cielos y lebreles.//Pórtico de la Gloria, repetido,/sueño de sueños, música de piedra,/rosa del cáliz, corazón herido,/adherido a la piel como la hiedra.

Xa na “Ofrenda” asegura Molinari “Tu paisaje de lluvia/ya estaba en la entraña/desde el grito inicial”. Algúns galegos pensarían na Arxentina, con retranca, que era Galicia pois “unha unidade de destino no universal”.

Cantou a nosa gaita (“aire preñado que busca salida,/mientras  por los dedos llora la vida,…”), o hórreo, o cruceiro, o orballo, a nosa pedra e as nosas vilas.