Carlos Mosteiro. Así, protexidos polos rochedos acolchados polo brión, como se fosen gardiáns dun exército medieval, a auga é un remanso de paz, está lonxe da aparencia destrutiva que adopta en non poucas ocasións. Agora está rodeada deste muro de protección, como ameas dun castelo que protexe un Santo Graal líquido. Seguir lendo Piscinas. Nostalxia das cadernas
Baseada en feitos reais, de Delphine de Vigan
Xerardo AgraFoxo. Coñecía esta autora francesa (Boulogne-Billancourt, 1966), pola súa obra anterior, Nada se opón á noite(2012), una novela que vendeu máis de oitocentos mil exemplares e que levou importantes premios literarios, como o Renaudot e o Elle, pero unha historia que tamén tivo moitas críticas porque a protagonista era súa propia nai, Lucille, unha artista algo tola, morta en misteriosas circunstancias.
“Pouco despois de que aparecera a miña última novela, deixei de escribir. Durante case tres anos, non escribín unha soa liña”, así comeza esta obra escrita por unha narradora que tamén se chama Delphine, ten dous fillos e mantén unha aventura sentimental cun tal François. Seguir lendo Baseada en feitos reais, de Delphine de Vigan
Paco Souto. Facer poesía no medio do mar
Pilar Sampedro. A finais de marzo, cando a primavera estaba entrando disimuladamente, morreu Paco Souto, no mar da Costa da Morte.
O poeta, autor de As árvores do incesto, Fado, Crebar cristais coa lingua, As horas de María, E alentar na túa rosa e Caín. O poeta que recitaba cada palabra coa voz debida. O poeta que laborou arredor doutros poetas, como en Aviléscanto, co músico Serxio Moreira.
O poeta que traballou na edición (por seguir entre libros… que era o seu) en Toxosoutos, Letras de Cal, Caldeirón e, especialmente, nas Edicións do Dragón, ese monllo de exemplares que eran pezas únicas de traballo cun pintor. Seguir lendo Paco Souto. Facer poesía no medio do mar
Un franciscano d’A Pobra
Pastor Rodríguez. Nacido n’A Pobra do Caramiñal en 1859, José María Hermo Fidalgo entrou na orde de San Francisco en 1876, desenvolvendo o seu labor misioneiro en Bolivia, Palestina e Exipto. Morreu na cidade de Pontevedra, onde era capelán do convento de Santa Clara. Relixioso moi conservador, a súa primeira obra editada foi unha Guía del peregrino en Tierra Santa, publicada en Xerusalén en 1888. En Bolivia editou na cidade de La Paz a obra La madre de los sueños, en 1899. En plena guerra civil editará Importancia del Catecismo sobre todas las Ciencias Humanas habidas y por haber (1937), pero que na capa leva por título Arriba España Imperial con el Catecismo. Seguir lendo Un franciscano d’A Pobra