Antón Riveiro Coello. Na súa anterior novela, Un asasino felizmente casado, Fidel Vidal xa nos adiantaba o seu talento narrativo e puña o foco sobre dous seres feridos, deitándoos no diván para que nos falasen con franqueza da súa dor, dos conflitos familiares, dos medos, do amor e, sobre todo, da enfermidade e da morte. Nesta nova entrega, Os coros da novena, o autor non se afasta dese camiño e volve situar o lector no mesmo cerne dunha traxedia familiar, con personaxes nada compracentes e duros, porque na escrita do escritor de Ribeira sempre aparece a poderosa sombra do especialista médico que converte en material narrativo unha parte importante da súa experiencia clínica. Seguir lendo Os coros da novena, de Fidel Vidal →