María Xesús Blanco. Neste tempo o mar ole a fogueiras e a flores silvestres. A estalotes vermellos e a rosas nadas nas beiras dos camiños. Porque é tempo de lavar a pel, de deixar atrás os temporais e o nordés de mal agoiro. O vento do sur espanta os nimbos salvaxes e a lanterna do solsticio anega de luz esta paisaxe de buguinas que veneramos como unha deusa grega. Seguir lendo Solsticio de verán
Arquivo da categoría: María Xesús Blanco
Unha novela italiana
María Xesús Blanco. No tengo miedo (Editorial Anagrama 2011) é un dos libros máis celebrados do escritor italiano Niccoló Ammaniti (Roma, 1966). Na coidada tradución de Juan Manuel Salmerón, a novela narra unha historia, ambientada nunha aldea imaxinaria do sur de Italia a finais dos anos setenta, dende a perspectiva dun neno de nove anos chamado Michele Amitrano.
É verán e vai moita calor. E mentres os adultos agardan dentro das casas a caída do sol os nenos percorren coas súas bicicletas os trigais e os campos da contorna. Nunha desas saídas o narrador, e protagonista da novela, coñece un personaxe que cambiará a súa vida ao facelo cómplice dun segredo tan poderoso como inesperado que non será quen de contarlle a ninguén. Seguir lendo Unha novela italiana
Tempos difíciles
María Xesús Blanco. A luz do mediodía cega os ollos dos que miran á cámara. Naquela hora o mar petaba no peirao e as dornas bambeaban ás costas do fotógrafo. Escoiten o ruído dese outro tempo inmortalizado no papel. Intúese, máis aló da escena, un ruxerruxe lento de barcos achegándose á terra. E o bulicio canso dos mariñeiros carrexando as caixas de peixe. Seguir lendo Tempos difíciles
A derradeira viaxe
María Xesús Blanco. O derradeiro libro de Emma Olsen (Editorial Galaxia, 2013), obra galardoada hai uns meses co Premio Repsol de Narrativa Breve e co Anxel Casal ao mellor libro de ficción 2013, é unha intrigante novela da escritora galega Berta Dávila (Santiago de Compostela, 1987). A autora, que acumula outras obras e galardóns, artella unha historia conmovedora ambientada nunha vila singular en Dakota do Sur, á que regresa a escritora protagonista do libro coa súa filla de dezasete anos. Esta personaxe, unha muller enferma á que lle queda pouco tempo de vida, decide volver ao entorno que a viu nacer, á casa familiar onde transcorreu a súa infancia e adolescencia. Seguir lendo A derradeira viaxe