Inés Otero. O pai desta curiosa novela é un dos escritores máis lidos e galardoados da literatura actual. Amin Maalouf recibiu o Premio Príncipe de Asturias no 2010 e ao ano seguinte entrou no selecto grupo da Academia Francesa. Entre as súas obras máis recoñecidas destaca con voz propia León O Africano (1986), Samarkanda (1988), A rocha de Tanios (Premio Goncourt, 1993) e Os xardíns da luz (1991 ). Tamén é autor do célebre ensaio As cruzadas vistas polos árabes (1983). Un caudal de fermosas e atraentes páxinas que xiran todas ao redor dun mesmo eixo temático: Oriente Vs. Occidente. Seguir lendo Los desorientados, de Amin Maalouf →

Inés Otero. O maior Pettigrew está preto dos oitenta anos, e a señora Alí, aparenta uns dez menos. Os dous estiveron casados e enviuvaron hai tempo. Viven na mesma vila –Edgecombe St. Mary–  pero a súa relación é puramente cordial: el limítase a comprar na tenda dela. Todo cambia cando o maior recibe a chamada da súa cuñada informándolle da morte do seu irmán. A señora Alí, que nese instante estaba a reclamarlle o pago dun xornal,  é quen lle presta os primeiros consolos. Entón agroma unha relación sentimental entre dous seres normais –aman a vida solitaria, as cuncas de té quente e os poemas de Kipling– que se enfrontará con moitas presións. Seguir lendo El mayor Pettigrew se enamora, de Helen Simonson →

Inés Otero. Estamos diante de trece relatos –Premio Pulitzer, 2010– que se poden ler como unha novela. A autora retrata con sinceridade e precisión psicolóxica o mundo pechado dos habitantes de Crosby, unha vila costeira do estado de Maine. E o fío condutor da maioría destas historias é Olive Kitteridge, profesora do instituto durante varias xeracións na localidade e coñecedora dos segredos dos seus veciños, uns seres que se moven cunha firme estratexia: sobrevivir. A partir das reflexións desta mestra de matemáticas –que xustifica o nulo evocador título da obra– coñecemos como se cruzan as vidas dunhas persoas nas semanas posteriores á caída das Torres Xemelgas, símbolo das catástrofes que, segundo comenta ela, lle afectan ao mundo contemporáneo. Seguir lendo Olive Kitteridge versus Elizabeth Strout →