X. Ricardo Losada. Sempre que me poño a escribir un artigo coma este, activáseme a autocensura. Para que queres dicir tal cousa? Só vas conseguir que te lean aínda menos persoas das que normalmente te len. Porque ese tema do que quero falar é o feminismo e algúns excesos que está a cometer. Cambia de tema, dime de novo o cerebro; limítate a dicir estas cousas como fan a maioría dos homes, en privado. Regálalle rosas ás mulleres (elas son as que len neste país noso) e, sobre todo, ás feministas. Son as heroínas do noso tempo. Pero non. O meu cerebro non me deixa. Estudou filosofía para dicir, sabendo que pode estar equivocado, o que pensa, e para romper esquemas convencido de que só desde a loita conceptual de contrarios se pode progresar na ciencia e na moral.  Seguir lendo Cambiar de idea →