Román Arén. É raro atopar o nome de Narciso de Heredia e Heredia, segundo marqués de Heredia, nas antoloxías de poesía decimonónica. Nacera en París en 1832, e en 1857 publicou Poesía, volume que en 1912 coñeceu unha terceira edición; foi ademais autor da obra Verdades en pocas palabras (1895). Faleceu en Madrid en 1912. O seu libro, que en 1879 titulou Poesía y artículos, estaba prologado por Menéndez Pelayo, que o caracteriza como poeta intimista e non descritivo. Para José María de Cossío (Cincuenta años de poesía española (1850-1900), 1960), estivo influído por Frei Luis de León, e ademais con afección ás escenas familiares, próximo, pois, a V. W. Querol.

Ignoro cal foi a súa relación con Galicia, pero dedicounos algún poema como “A vuela pluma (Estudio tomado del natural), no que a muller galega non sae moi ben parada:

La gallega gentil y placentera/ es fecunda y lozana;/ cautiva contemplar de sus contornos,/ las líneas delicadas./ Mas falta a su hermosura el dulce imperio/ del chiste y de la gracia,/ el <gancho> de la moza bullonguera/ de Sevilla y Granada./ Y el <buten> de la chula madrileña,/ que toma veinte varas,/ y al castizo se crece y con bravura/ la suerte la remata./ Comparar las mujeres de mi tierra/ con estas hembras francas,/ es comparar el néctar jerezano/ al zumo de las manzanas.

O poema inclúeo Juan Varela no tomo IV do seu Florilegio de poesía castellana del siglo XIX, que se publicou en Madrid en 1902. O autor faleceu en Madrid en 1912.