Xerardo AgraFoxo. Coñecía esta autora francesa (Boulogne-Billancourt, 1966), pola súa obra anterior, Nada se opón á noite(2012), una novela que vendeu máis de oitocentos mil exemplares e que levou importantes premios literarios, como o Renaudot e o Elle, pero unha historia que tamén tivo moitas críticas porque a protagonista era súa propia nai, Lucille, unha artista algo tola, morta en misteriosas circunstancias.

“Pouco despois de que aparecera a miña última novela, deixei de escribir. Durante case tres anos, non escribín unha soa liña”, así comeza esta obra escrita por unha narradora que tamén se chama Delphine, ten dous fillos e mantén unha aventura sentimental cun tal François. Seguir lendo Baseada en feitos reais, de Delphine de Vigan →

Xerardo AgraFoxo. Despois da curiosa Pálida luz nos outeiros (Premio Winifred Holtby), a excelente Os restos do días (Premio Booker) e a inquietante Nunca me abandones (Premio Casino de Santiago), Kazuo Ishiguro, nado en Nagasaki no ano 1954, pero veciño de Londres dende 1960, publica esta obra que non garda pouca relación coas anteriores, aínda que conserva a mesma calidade literaria que atesoura este escritor, traducido a corenta idiomas e un dos referentes, xunto con McEwan, Amis, Swift, Barnes ou Waters, da mellor narrativa británica dos últimos anos. Seguir lendo O xigante soterrado, de Kazuo Ishiguro →

Xerardo AgraFoxo. Trinta e dous anos despois de abandonar a terra dos seus pais, “cando as palabras non eran perigosas”,  Hisham Matar, o autor desta novela, regresa a Libia xunto coa súa nai e súa muller. Leva unha maleta cargada de boas intencións. A súa teima  é indagar sobre o paradoiro de seu pai, Jaballa Matar, un próspero e culto empresario desaparecido nas cadeas que erguera o abominable réxime de Gadafi. Tamén quere saber o destino dalgúns familiares “perdidos” nas areas do deserto libio. Baixo este pano de fondo, semella que esta arrepiante historia, máis que estar construída por un novelista con grandes recursos estilísticos, está tecida por un fillo que se enfronta cun pasado no que pode descubrir cousas nada agradables para a súa memoria. Seguir lendo O regreso, de Hisham Matar →

Xerardo AgraFoxo. A principios de 1980, este xornalista do The New York Times, recibiu una carta de Gerald Foos, un home que lle contou un suceso abraiante: abrira un motel en Denver e colocara nos tubos de ventilación unha plataforma para espreitar o comportamento sexual dos seus clientes. Talese quedou tan seducido que foi visitar o lugar e mesmo participou en varias sesións de observación. Malia que nun principio decidiu non escribir sobre o asunto, porque o pousadeiro lle confesou que nunha ocasión presenciara un asasinato, pasado o tempo e superadas as conviccións éticas, sae á luz esta obra que reflicte o sucedido. Seguir lendo O motel do voyeur, de Gay Talese →