Román Arén. Concha Zardoya, aínda que española, naceu en Valparaíso, chile, en 1914; pertence, pois, á xeración de 1936, a de Blas de Otero e Gabriel Celaya. Establecida coa familia na Península en 1932, foi doutora en Filoloxía Moderna en Illinois e ensinou literatura española nos Estados Unidos dende 1948 a 1977, pois comprometida coa República, preferiu vivir no exilio. O seu primeiro poemario, Pájaros del Nuevo Mundo foi editado en 1946, e a derradeira das súas obras poética saíu do prelo en 2003: Abrevedores míos. Entre ambos os dous apareceron outros vinte poemarios coa súa sinatura. Foi tamén tradutora do inglés e ensaísta (Poesía española del siglo XX). É a súa unha poesía que busca a salvación pola arte nuns poemas dinámicos e de forte preocupación formal.

En 1983 apareceu, na colección Esquío de Ferrol, o seu poemario Manhattan y otras latitudes, que contén o poema “Una plaza de losas”, dedicado a Compostela:

Una plaza de losas cual llanura/me gana el corazón con su silencio./¿Te he visto alguna vez, mi Compostela?/En las horas de sol yo vi el milagro:/cual cipreses enhiestos las dos torres/proyectaban sus sombras, recrecían,/sin reptar ni flotar por aquel lago/de sol y piedra gris y casi espejo./¿Qué imagen se buscaban, extendida?/¿Inversa suerte, paz o ser pisadas/no por aveces cansinas, peregrinos/venidos para verte de muy lejos?/¿O reflejar la forma, quietamente?/Mas ahora la lluvia cae mansa…/¿Hecho agua de luz el yerto ámbito?/¿Repiquetea sorda, cristilina?/¿Verdes hojas las crestas de las torres,/o temblorosos álamos de llanto?/La plaza es un océano sin naves…/Mis ojos allí vierten su nostalgia./Disueltas sombras ya, los campanarios/divagan, se deshacen, son de nubes/que cruzan sobre mí para llevarme.

A autora faleceu en Majadahonda en 2004. Merecían algo máis de atención as mulleres poetas desta xeración do 36: Josefina Romo Arregui, Celia Viñas, Ángeles Villarta, Dolores Catarineu, María Enciso, Gloria Fuertes, Pura Vázquez, Clemencia Laborda, Concha Lagos e algunha máis, que deberían ser máis consideradas polos antólogos.