O país dos outros

Narrativa, Xerardo AgraFoxo

leilaXerardo AgraFoxo. Logo de gañar o Premio Goncourt 2016 con Canción doce, onde narra o enfrontamento entre unha nai burguesa de orixe magrebí, e súa neneira, unha muller branca de orixe humilde, Leïla Slimani (Rabat, 1981), dirixe agora a ollada cara ao seu país natal, Marrocos, que se converte no pano de fondo do conflito xurdido na década dos anos 50 do século pasado, cando os ventos da independencia sopraban con forza no norte de África.

O país dos outros (2021) arranca no ano 1957 coa chegada de Mathilde, unha alsaciana humilde, á terra do seu home, Amín Belhach, un marroquí de  Meknes, un militar de pel escura do exército francés durante a II Guerra Mundial. Seguir lendo O país dos outros →

Galicia e os galegos na poesía castelá. CLIV. Enrique de Villena

Ensaio, Poesía, Román Arén

0000003_El_Arte_Cisoria_del_Marques_de_VillenaRomán Arén. É moi coñecida a novela romántica de Larra El doncel de don Enrique el Doliente, na que o doncel é Macías e o doente, Enrique de Villena, un verdadeiro humanista do século XV, nacido en 1384, neto de Henrique II, Mestre de Calatrava, e morto en 1434. Tivo fama de bruxo no seu tempo,, pois foi autor de Tratado de astrología (1428) e do Libro de fascinología o el aojamiento (escrito en 1422-1425 e editado en 1876). Seguir lendo Galicia e os galegos na poesía castelá. CLIV. Enrique de Villena →

Da creatividade na arte

Ensaio, Fidel Vidal

pexels-photo-5490263Fidel Vidal. A arte é creación, unha actividade propia do ser humano como (in)capaz, como ser de carencias. Trátase dunha acción que nace da pobreza, entendendo esta como unha falta da que xorde a proeza de loitar contra ese oco que o distingue das outras especies. Un atributo grazas ao que intenta fuxir da natureza para ser novidade diferencial, mesmo un xeito especial e singular de ser no mundo. Desde a concepción “naturalista” na plástica, a creación puido verse limitada cando, nun principio, valorouse como unha formidable fonte de enriquecemento. Desde este punto de vista o creador interprétase actuando da mesma forma a como o  faría a natureza. Seguir lendo Da creatividade na arte →