Román Arén. Falar de Borges é traer á memoria, para moitos lectores, a súa narrativa, mais o arxentino foi un gran poeta e ensaísta, ademais de antólogo, tradutor e crítico. Non foron poucas as amizades galegas de Borges na Arxentina, onde tantos dos nosos estaban emigrados ou exiliados. Outros intelectuais arxentinos era de orixe galega (os Borges eran de orixe portuguesa) e, entre eles, salientaba Francisco Luis Bernárdez, o cuñado de Cortázar, bo poeta conservador e moi católico, moi amigo de Borges na mocidade. Na vellez, o autor de Inquisiciones confesoulle á súa colaboradora e biógrafa María Esther Vázquez, tamén de orixe galega, que consideraba a Bernárdez un poeta mediocre. Aínda así foi moi xeneroso con el na elexía á súa morte, que titulou “Epílogo” e que publicou no volume La cifra (1981).
Ya cumplida la cifra de los pasos/que te fue dado andar sobre la tierra,/digo que has muerto. Yo también he muerto./Yo, que recuerdo la precisa noche/del ignorado adiós, hoy me pregunto:/¿Qué habrá sido de aquellos dos muchachos/que hacia mil novecientos veintitantos/buscaban con ingenua fe platónica/por las largas aceras de la noche/del Sur o en la guitarra de Paredes/o en fábulas de esquina y de cuchillo/o en el alba, que no ha tocado nacie,/la secreta ciudad de Buenos Aires?/Hermano en los metales de Quevedo/y en el amor del numeroso hexámetro,/descubridor (todos entonces lo éramos)/de ese antiguo instrumento, la metáfora,/Francisco Luis, del estudioso libro,/ojalá compartieras esta vana/tarde conmigo, inexplicablemente,/y me ayudaras a limar el verso.
Borges está a se referir a época das vangardas en España (o ultraísmo) e na Arxentina (a época de <Prisma> ou <Proa>).
Ambas viviron un tempo en España, e Bernárdez en Galicia entre 1922 e 1925, cando era un poeta de vangarda (Orto, Bazar, Kindergarten). Escribiu en galego e defendeu a nosa lingua no franquismo, malia que na Guerra Civil, polo seu catolicismo optase polos sublevados.
Quen leran Borges. Esplendor y derrota. Biografía (1999) de María Esther Vázquez, saberá que Borges visitou Compostela coa autora, onde “se sentía un peregrino más”. Viaxaron tamén a Fisterra e Tui. Son de grande interese as páxinas dedicadas ao seu encontro con Piñeiro en Gelmírez 15, quen é cualificado como “uno de los intelectuales más lúcidos entre los gallegos de este siglo”. A Borges admirouno Compostela e o valor de Piñeiro tras o seu paso polo cárcere. Dirá Borges: “Entre las ciudades más inolvidables que he visto (si es posible ver por los ojos de otros)”.
Sería inxusto non dar unha breve idea do amor de Borges por Portugal:
Nada o muy poco sé de mis mayores/portugueses, los Borges, vaga gente/que prosigue en mi carne, oscuramente,/sus hábitos, rigores y temores”.
“Son Portugal, son la famosa gente/que forzó las murallas del Oriente/y se dio al mar y al otro mar de arena”.
Borges xa adicara a “Elegía de los portones”, de Cuaderno San Martín (1929) e alúdeo tamén no ensaio “La penúltima versión de la realidad” do libro Discusión (1932).